Azərbaycanın yeniyetmə stolüstü tennisçiləri Türkiyənin Yalova şəhərində keçirilən beynəlxalq turnirdə uğurlu çıxış ediblər.

Prosport.Az xəbər verir ki, yarışda Türkiyə ilə yanaşı, Qazaxıstan, Rumıniya, Bolqarıstan və Estoniya təmsilçiləri də iştirak ediblər.

Komanda yarışında Vaqif Babayev və Şakir Qədirov ikinci, Banu İmanverdizadə və Sofiya Trofimenko isə üçüncü yeri tutublar.

Şəxsi mübarizədə U-15 yaş qrupunda Vaqif Babayev və Şakir Qədirov bürünc medal qazanıblar.

Beləliklə, Azərbaycan stolüstü tennisçiləri turniri 4 medalla başa vurublar.

Qeyd edək ki, Billurə Eminova və Zakir Cavadovun rəhbərliyi ilə Türkiyəyə yollanan idmançılar avqustun 8-dən 14-dək Yalovada keçirilən beynəlxalq təlim-məşq toplanışında da iştirak ediblər.