Estoniyanın paytaxtı Tallində keçirilən taekvondo üzrə böyüklər arasında Olimpiya çəki dərəcələri üzrə Avropa çempionatının 2-ci günündə Azərbaycan milli komandası aktivinə daha 1 medal əlavə edib.

Prosport.Az xəbər verir ki, yığmamızın heyətində Həmidrza Bədriəliabadi fəxri kürsüyə yüksəlib. +80 kq çəkidə dayanqa çıxan iranlı taekvondoçumuz finalda ukraynalı rəqibinə uduzaraq gümüş medala yiyələnib.

Bununla da millinin heyətindəki mükafatların sayı 2-yə çatıb. Bir gün öncə Cavad Ağayev (68 kq) də finalda uduzaraq gümüş medalla kifayətlənmişdi.

Estoniyada keçirilən gənclərin Avropa çempionatında da komandamız hələlik 2 medala sahib olub. Səlimə Quliyeva (42 kq) gümüş, Məhəmməd Həsənli (45 kq) bürünc mükafat qazanıb.

Qeyd edək ki, hər 2 yarış sabah başa çatacaq.