Qadın voleybolçulardan ibarət Azərbaycan millisi dünya və Avropa reytinqində irəliləyib.

Prosport.Az xəbər verir ki, buna yığmanın qitə çempionatında reytinqdə özündən irəlidə olan kollektivlərə qalib gəlməsi səbəb olub.

Milli dünya reytinqində 5 pillə irəliləyərək 38-ci yerdən 33-cü yerə, Avropa reytinqində isə 3 pillə irəliləyərək 23-cü pillədən 20-ci pilləyə yüksəlib.

Qeyd edək ki, Avropa çempionatında yer aldığı C qrupunu 5 xalla 5-ci pillədə başa vuran Azərbaycan millisi 1/8 finala yüksələ bilməyib. Komandamız yalnız Çexiyaya 3:0 və Yunanıstana 3:2 qalib gələ bilib.