"Neftçi" İdman Klubu yeni loqosunu ictimaiyyətə təqdim edib.

Prosport.Az xəbər verir ki, klubun yeni emblemi ənənəvi ağ-qara rənglərdə hazırlanıb.

Loqonun mərkəzində klubun ilk rəmzinin konturları, adının baş hərfi və neft buruqları təsvir olunub. Emblemin yuxarı hissəsində "Neftçi" İdman Klubunun adı, aşağı hissəsində isə klubun yaranma tarixi olan "1937" əksini tapıb.

Klubdan bildirilib ki, yeni loqo "Neftçi"nin tarixi irsini qorumaqla yanaşı, müasir vizual kimliyini də özündə əks etdirir.

Qeyd edək ki, loqonun yeniləndiyini ilk olaraq Prosport.Az-a müsahibəsində "Neftçi" İdman Klubunun İdarə Heyətinin sədr müavini və icraçı direktoru Fərəc Əliyev bildirmişdi.