Azərbaycan Premyer Liqasının 2026/2027 mövsümünün püşkatma mərasimi keçirilib.

Püşkatma mərasimində iştirak edən "Turan Tovuz"un İdarə Heyətinin sədrinin I müavini Həsən Zeynəlov püşkdən sonra Prosport.Az-a müsahibə verib. O, 

– Püşkatma ilə bağlı fikirləriniz?
– Münasibətim yaxşı oldu. İlk rəqiblərimiz avrokuboklarda oynayan komandalar deyil. Avrokuboklarda çıxış edən komandalarla dövrənin sonunda qarşılaşacağıq. Hazırlıqlarımız davam edir.

– Siz artıq futbol camiəsindəsiniz. Futbola gəlişiniz necə baş tutdu?
– Təşəbbüs Ehtiram müəllimdən ("Turan Tovuz"un İdarə Heyətinin sədri Ehtiram Quliyevi nəzərdə tutur – red.) gəldi. Təklif sevindirici oldu. Fikirləşdik və müsbət cavab verdik.

– Voleybol Çempionlar Liqasında rəqibiniz bəlli oldu. Rəqib haqqında fikirləriniz?
– Rəqibimiz Xorvatiyanın "Mladost" komandasıdır. Böyük təcrübəyə malikdirlər. Hər il avrokuboklarda iştirak edirlər. Son 3 ildir ki, Xorvatiya çempionudurlar. Maraqlı oyunun olacağına ümid edirik. Əsas hədəfimiz Çempionlar Liqasının qrup mərhələsinə vəsiqə qazanmaqdır.

– Komanda avrokubokda iştirak edir. Buna uyğun büdcə və transferlər nəzərdə tutulub?
– Demək olar ki, komanda komplektləşib. Dünəndən etibarən transferlər açıqlanmağa başlayıb. Digər transferlər də mərhələli şəkildə elan olunacaq.