Avropa çempionatında mübarizə aparan qadın voleybolçulardan ibarət millimiz bu gün baş tutacaq Yunanıstanla oyuna hazırlığı məşq üçün ayrılmış xüsusi zalda davam etdirib.
Prosport.Az xəbər verir ki, Azərbaycan Voleybol Federasiyasının (AVF) vitse-prezidentləri Faiq Qarayev və Bəhruz Quliyev, baş katib Faiq Orucov və federasiya nümayəndələri yığmamızın dünənki məşqində olub.
Onlar voleybolçularımız və məşqçilər korpusu ilə görüşüb. Oyuna hazırlıq prosesi ilə maraqlanan federasiya rəhbərliyi bugünkü qarşılaşmada voleybolçularımıza uğurlar arzulayıb. Daha sonra komandamızın məşqini izləyiblər.
Qeyd edək ki, millimiz bu gün Yunanıstanla üz-üzə gələcək. Oyun Bakı vaxtı ilə saat 19:00-da başlayacaq və "CBC Sport" telekanalı ilə canlı yayımlanacaq.
