Bakıda keçiriləcək cüdo üzrə dünya çempionatında Ermənistan idmançılarının çıxışına məhdudiyyət yoxdur. 

Prosport.Az-ın xəbərinə görə, bunun üçün onlar reytinqdə 200 idmançı arasında olmalıdır. 

Bunu Azərbaycan Cüdo Federasiyasının icraçı vitse-prezidenti Rəşad Rəsullu keçirilən mətbuat konfransında deyib. 

Onun sözlərinə görə, həmin idmançılar reytinqlə Bakıdakı dünya çempionatına lisenziya qazansalar, dövlət tərəfindən onların iştirakı təmin edilə bilər. 

Gənclər və İdman Nazirliyinin İdman Şöbəsinin müdiri Elnur Məmmədov isə bildirib ki, ölkə başçısı İlham Əliyevin I Avropa Oyunları zamanı erməni əsilli Ukrayna təmsilçisi olan idmançını şəxsən mükafatlandırması dövlətimizin mövqeyini göstərir.