Dünya Parataekvondo Federasiyası idmançıların yeni reytinq siyahısını açıqlayıb.

Prosport.Az xəbər verir ki, siyahıda Azərbaycanın bir neçə parataekvondoçusu mövqeyini yaxşılaşdırıb.

Paralimpiya çempionu İmaməddin Xəlilov 70 kiloqram çəki dərəcəsində 495,75 xalla liderliyini qoruyub.

Paralimpiya Oyunlarının bürünc mükafatçısı Sabir Zeynalov (58 kiloqram) isə iyun ayında iştirak etdiyi 2 turnirdə qazandığı qızıl medallar sayəsində reytinqini 381,15 xala yüksəldərək 2-ci pilləyə qalxıb.

Amin Əliyev (63 kiloqram) 52,91 xalla 1 pillə irəliləyərək 21-ci sırada qərarlaşıb. Eyni çəkidə çıxış edən Amin Şıxalıyev isə 39,71 xalla 23-cü pillədə yer alıb.

Qadınların reytinqində Səmayə Həsənova (47 kiloqram) 42,32 xalla 2 pillə irəliləyərək 20-ci yerə yüksəlib. Orxan Cəfərov (80 kiloqram) isə 45,83 xalla 24-cü pillədəki mövqeyini qoruyub.