Azərbaycan atıcılıq millisinin üzvü Ruslan Lunev Estoniyanın Männiku şəhərində keçirilən "Lapua" Avropa Kubokunda qızıl medal qazanıb.

Prosport.Az xəbər verir ki, təcrübəli idmançı 25 metr mərkəzi atəş açma növü üzrə yarışda uğurlu çıxışı ilə bütün rəqiblərini geridə qoyub.

Ruslan Lunev təsnifat mərhələsində 583 xal toplayaraq birinci yeri tutub və fəxri kürsünün ən yüksək pilləsinə yüksələrək Azərbaycan bayrağını dalğalandırıb.

Qeyd edək ki, bu nəticə ilə Ruslan Lunev Estoniyada keçirilən "Lapua" Avropa Kubokunu qızıl medalla başa vurub.