"Ferrari"nin pilotu Şarl Lekler 2026-cı ilin "Formula 1" üzrə Britaniya Qran-prisinin qalibi olub.

Prosport.Az xəbər verir ki, yarış "Silverstoun" trasında baş tutub.

"Mercedes"in pilotu Corc Rasl 2-ci, onun "Ferrari" pilotu olan həmyerlisi Luis Hamilton isə 3-cü yeri tutub.

Andrea Kimi Antonelli ("Mercedes") yarışı 16-cı yerdə başa vurub. İtalyan pilot bu mövsüm 2-ci dəfə xal qazanmasa da, çempionatda 179 xalla liderliyini qoruyur. Siyahıda ondan sonra Corc Rasl (154) və Luis Hamilton (147) qərarlaşıb.

Bu, Şarl Leklerin 2024-cü ilin oktyabrında Ostində keçirilən ABŞ Qran-prisindən bəri ilk qələbəsi olub. Monakodan olan pilotun qələbəsiz seriyası 37 yarış davam edib.

Qeyd edək ki, çempionatın 10-cu mərhələsi 17-19 iyulda Belçikada keçiriləcək.