Oktyabrın 4–dən 11-dək Bakıda keçiriləcək cüdo üzrə böyüklər arasında dünya çempionatında iştirak edəcək Fransa millisinin heyəti açıqlanıb.

Prosport.Az xəbər verir ki, Fransa yığması fərdi yarışlarda 17 cüdoçu (8 kişi və 9 qadın) ilə təmsil olunacaq. Komanda kişilər arasında 5, qadınlar arasında isə 6 çəki dərəcəsində mübarizə aparacaq.

Fransa millisinin heyətində cüdo tarixinin ən titullu idmançılarından biri olan Teddi Riner (+100 kiloqram) də yer alıb. Beşqat olimpiya çempionu, 12 qat dünya çempionu və 5 qat Avropa çempionu olan 37 yaşlı ağırçəkili cüdoçu Bakıda növbəti dəfə dünya çempionluğu uğrunda tatamiyə çıxacaq.

Kişilər: Luka Mxeidze, Romen Valadye-Pikar (hər ikisi 60 kq), Valid Xyar, Dayki Buba (hər ikisi 66 kq), Joan-Benjamin Qaba, Dayan Bulemtafes (hər ikisi (73 kq), Maksim-Qael Nqayap Hambu (90 kq), Teddi Riner (+100 kq)
Qadınlar: Şirin Bukli (48 kq), Sara-Leoni Sizik (57 kq), Klaris Aqbeqnenu, Manon Deketer (hər ikisi 63 kq), Klemans Em (70 kq), Odri Tşeumeo, Kayla İssufi (hər ikisi 78 kq), Roman Diko, Lea Fonten (hər ikisi +78 kq).

Bundan başqa, oktyabrın 11-də keçiriləcək qarışıq komanda yarışında Fransa millisinin heyətində Maksim Qober (73 kq), Aleksis Matyö (90 kq), Mateo Akiana Monqo və Tyeman Diabi (hər ikisi +90 kq), həmçinin Marta Favaz (57 kq) da yer alacaq.