"Ferrari"nin pilotu Şarl Lekler komandanın hazırkı vəziyyəti və yeni əyləc sistemi ilə bağlı fikirlərini bölüşüb.

Prosport.Az xəbər verir ki, monakolu pilot Barselonaya tamamilə yeni spesifikasiyalı bolidlə gəldiklərini və yeniliklərin avtomobilin idarəetməsinə müsbət təsir göstərdiyini bildirib.

Lekler sürət baxımından həftəsonunun uğurlu keçdiyini, lakin sıralama turundakı səhv və yarış zamanı yaşanan texniki problem səbəbindən istədikləri nəticəni əldə edə bilmədiklərini deyib.

"Avstriyada da bazar gününə qədər hər şey qaydasında idi, lakin yarışda çətinliklərlə üzləşdik. Sürətimizin zəif olmasına təsir edən bəzi məqamları müəyyənləşdirmişik və lazımi dəyişiklikləri edəcəyik. Növbəti iki yarışın komandamız üçün çox ağır keçəcəyini etiraf etməliyik. Hazırda edə biləcəyim ən yaxşı şey, vəziyyətimizdən asılı olmayaraq çox çalışmaqdır", – deyə Lekler bildirib.