Vaxtilə tanınmış azərbaycanlı döyüşçü Vüqar Kərəmovu məğlub etmiş rusiyalı MMA idmançısı Cihad Yunusov Ukraynadakı döyüş bölgəsində həlak olub.

Prosport.Az xəbər verir ki, idmançı təmas xəttində 1 aydan az müddət xidmət edib.

İddiaya görə, Yunusov Rusiya ordusunun hücum qrupunun tərkibində irəliləyiş əməliyyatı zamanı öldürülüb.

Qeyd edək ki, Yunusov 2013-cü il sentyabrın 21-də Ukraynanın Xarkov şəhərində keçirilən “Oplot Challenge 80” turnirində Azərbaycan idmançısı Vüqar Kərəmovla oktaqonda üz-üzə gəlib. Həmin döyüşdə Yunusov hakimlərin yekdil qərarı ilə qalib elan edilib.

Cihad Yunusov MMA karyerası ərzində 27 döyüş keçirib. O, bunların 19-da qələbə qazanıb, 8-də isə məğlub olub.