Azərbaycan idmançılarının 2026-cı ilin iyul ayı üçün reytinq cədvəli açıqlanıb.

Prosport.Az xəbər verir ki, yunan-roma güləşçisi Həsrət Cəfərov (480 xal) ilk sıradakı mövqeyini qoruyub.

Sərbəst güləşçi Giorgi Meşvildişvili (460 xal) 2-ci pillədə qərarlaşıb. Digər sərbəst güləşçi Arseni Cioyev (420 xal) ilk "3-lüy"ü qapayır.

Növbəti sıralarda Səidcəmşid Cəfərov (boks, 400 xal), Murad Əhmədiyev (yunan-Roma güləşi, 330 xal), Ülvü Qənizadə (yunan-Roma güləşi, 300 xal), Nurəddin Novruzov (sərbəst güləş, 270 xal), Həşim Məhəmmədov (taekvondo, 270 xal), Hidayət Heydərov (cüdo, 270 xal) və İslam Bazarqanov (sərbəst güləş, 265 xal) yer alıblar.