Çexiyanın paytaxtı Praqada keçirilən cüdo üzrə Avropa Açıq Turniri Azərbaycan millisi üçün uğurla başa çatıb.

Prosport.Az xəbər verir ki, turnirin son yarış günündə -100 kq çəki dərəcəsində mübarizə aparan Əjdər Bağırov gümüş medal qazanaraq yığmanın aktivinə növbəti mükafatı yazdırıb.

Xatırladaq ki, ilk yarış günündə Elşən Əsədov (-66 kq) qızıl, Rəşad Yelkiyev (-66 kq) gümüş, Kamran Süleymanov (-73 kq) isə bürünc medal əldə etmişdi.

Beləliklə, Azərbaycan millisi Praqa Avropa Açıq Turnirini 1 qızıl, 2 gümüş və 1 bürünc olmaqla ümumilikdə 4 medalla başa vurub.

Yığmamız 38 ölkə arasında ümumi komanda hesabında 6-cı yeri tutub. Kişilər arasında isə Azərbaycan millisi Fransa ilə birlikdə 2-3-cü yerləri bölüşüb.