Qazaxıstanın Astana şəhərində keçirilən "Kazakhstan Open" beynəlxalq turnirində Azərbaycan taekvondo millisinin üzvü Minayə Əkbərova uğurla çıxış edib.

Prosport.Az xəbər verir ki, 46 kq çəki dərəcəsində çıxış edən idmançı bütün rəqiblərinə qalib gələrək qızıl medal qazanıb.

Qeyd edək ki, Azərbaycanın taekvondo üzrə gənclər və böyüklərdən ibarət milli komandaları Qazaxıstanın Astana şəhərində keçirilən "Altay" çempionatına (22-23 iyun) və "Kazakhstan Open" (25-27 iyun) beynəlxalq turnirinə Taekvondo Federasiyasının vitse-prezidenti Niyaməddin Paşayev, böyüklərdən ibarət millinin baş məşqçisi Məmməd Abdullayev, məşqçilər Elnur Amanov və Ayxan Tağızadənin rəhbərliyi altında yollanıb.

Daha əvvəl "Altay" çempionatında taekvondo üzrə böyüklərdən ibarət milli komandasının üzvləri - Cavad Ağayev (80 kq) gümüş, Elcan Əliyev (80 kq) və Minayə Əkbərova (46 kq) isə bürünc medal sahibi olublar.