Azərbaycan Karate Federasiyasının prezidenti tərəfindən imzalanmış müvafiq əmrə əsasən, Yavər Hüseynov Azərbaycan Karate Federasiyasının Təşkilat Komitəsinin sədri vəzifəsinə təyin edilmişdir.
Prosport.Az xəbər verir ki, Təşkilat Komitəsi Federasiyanın fəaliyyət planına uyğun olaraq keçirilən yarışların, idman tədbirlərinin, seminarların, təlim-məşq toplanışlarının və digər təşkilati xarakterli layihələrin koordinasiyasını həyata keçirir.
Yavər Hüseynovun Təşkilat Komitəsinin sədri vəzifəsinə təyin olunması Federasiyanın təşkilati fəaliyyətinin daha da təkmilləşdirilməsi, tədbirlərin səmərəli şəkildə planlaşdırılması və icrasının təmin olunması məqsədinə xidmət edir.