Olimpiya, dünya və Avropa çempionu Hidayət Heydərovun niyə Monqolustanın paytaxtı Ulan-Batorda keçirilən Böyük Dəbilqə turnirində tatamiyə çıxmamasının səbəbi bəlli olub.

Prosport.Az-a Azərbaycan Cüdo Federasiyasından verilən məlumata görə, idmançımız yenə çəkisini 73 kq-a endirməyi bacarmayıb.

Qeyd edək ki, belə hal Hidayət Heydərovla artıq ilk dəfə yaşanmır. O, bu ilin fevralında Özbəkistanın paytaxtı Daşkənddə keçirilmiş Böyük Dəbilqə turnirində də çəkisini sala bilməmişdi. Nəticədə federasiya onun barəsində intizam tədbiri gördüyünü açıqlamışdı.

10:13

Azərbaycan cüdoçusu Hidayət Heydərov (73 kq) Monqolustanın paytaxtı Ulan-Batorda keçirilən Böyük Dəbilqə turnirində iştirak etməyib.

Prosport.Az xəbər verir ki, olimpiya çempionu 1/16 finalda Usuxcarqal Altaibaatar (Monqolustan) ilə görüşə çıxmayıb. H.Heydərovun hansı səbəbdən yarışdan kənarda qaldığı hələlik bəlli deyil.

Bu gün mübarizəyə qoşulan Rəşid Məmmədəliyev (73 kq), Zelim Tçkayev (81 kq), Fidan Əlizadə (63 kq) və Südabə Ağayeva (70 kq) ilkin raundlarda məğlub olublar.

Xatırladaq ki, "Böyük Dəbilqə" iyunun 21-də başa çatacaq. Azərbaycan yarışda 17 idmançı ilə təmsil olunur. Ötən gün Balabəy Ağayev (60 kq) qızıl, Nizami İmranov (66 kq) bürünc medal qazanıb.