Azərbaycan cüdoçuları Monqolustanın paytaxtı Ulan-Batorda keçirilən "Böyük Dəbilqə" turnirinin ilk gününü 2 medalla başa vurublar.

Prosport.Az xəbər verir ki, yığmanın heyətində Balabəy Ağayev (60 kq) qızıl, Nizami İmranov (66 kq) bürünc mükafat qazanıblar.

Ağayev finalda yaponiyalı dünya çempionu Ryuju Naqayamanı məğlub edib. İmranov isə 3-cü yer uğrunda görüşdə yerli idmançı Yolk Kazırbyeki üstələyib.

Əhməd Yusifov (60 kq) isə bürünc medal görüşündə İtshak Aşpizə uduzub.

Xatırladaq ki, "Böyük Dəbilqə" iyunun 21-də başa çatacaq. Azərbaycan yarışda 17 idmançı ilə təmsil olunur.

11:09

Azərbaycan cüdoçusu Balabəy Ağayev (60 kq) Monqolustanın paytaxtı Ulan-Batorda keçirilən "Böyük Dəbilqə" turnirində finala vəsiqə qazanıb.

Prosport.Az xəbər verir ki, idmançı yarımfinalda İsrail təmsilçisi İtshak Aşpizə qalib gəlib.

O, qızıl medal uğrunda görüşdə yaponiyalı Ryuju Naqayama ilə qarşılaşacaq. Əhməd Yusifov (60 kq) isə 3-cü yer uğrunda məhz Aşpizlə üz-üzə gələcək.

Yarımfinalda uduzan Nizami İmranov (66 kq) bürünc medal uğrunda yerli cüdoçu Yolk Kazırbyeklə münasibətlərə aydınlıq gətirəcək.

Ruslan Paşayev (66 kq), Şəfəq Həmidova (48 kq) və Gültac Məmmədəliyeva (52 kq) mükafat qazanmaq şanslarını itiriblər.

Xatırladaq ki, "Böyük Dəbilqə" iyunun 21-də başa çatacaq. Azərbaycan yarışda 17 idmançı ilə təmsil olunur.