17-22 iyun tarixlərində Honq Konqda şahmatın rapid və blits növü üzrə komandalar arasında dünya çempionatı keçiriləcək.

Prosport.Az xəbər verir ki, Azərbaycanı yarışda “Odlar Yurdu” komandası təmsil edəcək.

Komandada Rauf Məmmədov, Aydın Süleymanlı, Əhməd Əhmədzadə, Xəzər Babazadə, Vüqar Manafov, Günay Məmmədzadə və Murad Həşimov yer alıblar. Rauf Məmmədov eyni zamanda kapitan funksiyasını yerinə yetirəcək. 

Azərbaycan Şahmat Federasiyasının baş katibi İlahə Qədimova dünya çempionatında baş hakimin müavini olacaq.

Qeyd edək ki, qaydalara əsasən, heyətdə 5 kişi, 1 qadın və 1 həvəskar şahmatçı çıxış etməlidi.