Azərbaycanın gənc avarçəkənləri Qazaxıstanda tam heyətlə medal qazanıblar.

Prosport.Az xəbər verir ki, Uralsk şəhərində 1 İyun – Uşaqların Beynəlxalq Müdafiəsi Gününə həsr olunmuş kayak və kanoe üzrə beynəlxalq reqataya 4 nəfərlik heyətlə yollanan komandamızın bütün üzvləri fəxri kürsüyə qalxıblar.

İkinəfərlik kanoe qayığında mübarizə aparan Vaqif Mustafazadə və Fəxri Sadıqlı 200 metr məsafəyə yürüşlərdə 3-cü yer tutublar. İkinəfərlik kayak qayığında mübarizə aparan Sənan Cəfərzadə və Tahir Mövsümov cütlüyü 500 metr məsafədə fəxri kürsünün üçüncü pilləsinə yüksəlib. Onlar, həmçinin 200 metr məsafəyə yarışlarda gümüş medala layiq görülüblər.