Azərbaycan para-cüdoçusu Şəhanə Hacıyeva Niderlandın Rotterdam şəhərində keçirilən Avropa çempionatında qızıl medal qazanıb.

Prosport.Az xəbər verir ki, 23 yaşlı idmançı 48 kq çəki dərəcəsində ilk dəfə böyüklər arasında Avropa çempionu olub.

Qeyd edək ki, Tokio Paralimpiya Oyunlarının qalibi olan Şəhanə Hacıyeva 2015-ci ildə Bolqarıstanın paytaxtı Sofiyada keçirilmiş cüdo üzrə yeniyetmələrin Avropa çempionatında da 40 kq çəkidə qızıl medal qazanmağı bacarıb.