Bakıda keçirilən Avropa Həndbol Federasiyasının çempionatında (bu, Avropa çempionatı deyil – red.) 17 yaşadək həndbolçu qız millimiz fiasko nəticə göstərməyə davam edir.

Prosport.Az-ın məlumatına görə, A qrupunda yer alan yığmamız Bosniya və Herseqovina yığmasına 17:61 hesabı ilə uduzub. Matçın hər komandadan ən yaxşı oyunçuları Azərbaycandan Luiza Nikitçenko, Bosniya və Herseqovinadan isə Sara Haciabuliç seçilib.

A qrupunun digər görüşündə Litva Gürcüstanı 37:13 məğlub edib. Qrupa Sloveniya və Litva 4 xalla başçılıq edir. Bosniya və Herseqovina ilə Gürcüstan 2 xalla sonrakı yerləri bölüşür. Rəqib qapısına cəmi 36 qol vuran millimiz öz çərçivəsində 158 top görüb.

Bu gün yarışda istirahət günüdür. Sabah komandamız Litva ilə qarşılaşacaq. Matç saat 18:00-da başlayacaq. Bu, komandamızın qrupda son matçı olacaq. U-17 qız millimiz daha əvvəl Gürcüstana 13:39 və Sloveniyaya 6:58 hesabı ilə məğlub olub.

Qeyd edək ki, avqustun 13-də yekunlaşacaq yarışda Azərbaycandan başqa, Bosniya və Herseqovina, İspaniya, Farer adaları, Gürcüstan, Yunanıstan, İsrail, Litva, Lüksemburq və Sloveniya mübarizə aparır.