AFFA U-14 Liqasının finalında "Sabah" penaltilər seriyasında "Qarabağ"ı məğlub edərək çempion olub. Əsas vaxtı 1:1 hesabı ilə başa çatan qarşılaşmada “Sabah” penaltilərdə 4:2 hesablı qələbə qazanıb.

Matçdan sonra “Sabah”ın baş məşqçisi Nasir Nəsirli Prosport.Az-a müsahibə verib.

– Oyunla bağlı fikirlərinizi bölüşərdiniz...
– Oyun çox yaxşı keçdi. Maraqlı futbol izlədik. Matça gələn azarkeşlərə təşəkkürümü bildirirəm. Ümid edirəm ki, nümayiş etdirdiyimiz futbolla hər kəsi razı sala bildik.

– Ümumilikdə mövsüm komanda üçün necə keçdi?
– Bizim əsas məqsədimiz əsas komanda və Azərbaycan futbolu üçün yaxşı futbolçular yetişdirməkdir. Mövsüm 2 dövrəli sistemlə keçirildi. Şükür Allaha ki, sona qədər gəlib çıxa bildik. Əziyyətimiz yerdə qalmadı.

– Bu mövsüm əsas komanda "qızıl dubl” etdi. Bu sizin üçün ikiqat motivasiya hesab oluna bilər?
– Bəli, bu mövsüm həm çempionatda, həm Kubokda, həm də alt yaş qruplarında, o cümlədən bizim komandamız çempion oldu. Bu da uşaqlar üçün çox böyük motivasiyadır. Hər kəsi təbrik edirəm.

Bahar Rüstəm