Çinin Çendu şəhərində keçirilən XXXI Yay Ümumdünya Universitet Oyunlarında oğlan tələbə voleybol komandamız fiasko nəticə ilə yadda qalıb.

Prosport.Az-ın xəbərinə görə, komandamız bütün görüşləri uduzaraq sonuncu – 16-cı olub.

Qrupda Ukrayna, Yaponiya və meydan sahibi Çinə 0:3 uduzan komandamız növbəti oyunlarda da eyni performansı göstərib.

9-16-cı yerlər uğrunda Cənubi Koreyaya 0:3, 13-16-cı yerlər uğrunda Çexiyaya 0:3 uduzan milli 15-ci yer üçün mübarizədə Honq Konqla da bacara bilməyib – 1:3.

Qeyd edək ki, bu gün Polşa İtaliya ilə final, İran isə Çinlə 3-cü yer uğrunda matça çıxıb.