"Bakı–Xankəndi" Azərbaycan beynəlxalq velosiped yarışına yekun vurulub.

Prosport.Az xəbər verir ki, sonuncu – V mərhələdə finişə İspaniyanın "Burqos" komandasının Yeni Zelandiyadan olan üzvü Coş Barnett birinci çatıb. O, Tərtərdən Xankəndiyə qədər 181,5 kilometr məsafəni hamıdan tez qət edib

Qeyd edək ki, ilk mərhələdə Çinin "Li-Ninq Star" komandasının belaruslu üzvü Aleksey Şnirko, II və III mərhələdə isə müvafiq olaraq, Qazaxıstanın "XDS Astana" komandasının üzvləri Yevgeni Fyodorov və Qleb Suritsa 1-ci yeri tutublar.

İtaliyanın "Bardiani" komandasının üzvü Marko Manenti isə IV etapın qalibi olub.

Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparıb.

10:31

"Bakı-Xankəndi" Azərbaycan beynəlxalq velosiped yarışının sonuncu - V mərhələsi start götürüb.

Prosport.Az xəbər verir ki, velosipedçilər bu etapda Tərtərdən start götürməklə Xankəndiyə qədər 181,5 kilometr məsafə qət edəcəklər.

İlk mərhələdə Çinin "Li-Ninq Star" komandasının belaruslu üzvü Aleksey Şnirko, II və III mərhələdə isə müvafiq olaraq, Qazaxıstanın "XDS Astana" komandasının üzvləri Yevgeni Fyodorov və Qleb Suritsa 1-ci yeri tutublar.

İtaliyanın "Bardiani" komandasının üzvü Marko Manenti isə IV etapın qalibi olub.

Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın ümumi mükafat fondu 50 min avrodan çoxdur. Yarışa mayın 14-də yekun vurulacaq.