AFFA U-13 Liqasının finalında “Neftçi” “Qarabağ”ı 6:5 hesabı ilə məğlub edərək çempion olub. 

Oyundan sonra "ağ-qaralar"ın baş məşqçisi Rəşad Məmmədov Prosport.Az-a müsahibə verib.

– Oyunla bağlı fikirləriniz necədir?
– Ağır oyun keçdi. Maraqlı qarşılaşma oldu. Komandam meydanda çox istəkli idi və oyuna yaxşı hazırlaşmışdı. Şükürlər olsun ki, sonda çempion olduq.

– Mövsümü ümumi olaraq necə dəyərləndirirsiniz?
– Maraqlı və ağır mövsüm keçirdik. Çempionat oyunlarına baxanda yaxşı nəticələr əldə etdiyimizi görürük. Yaxşı oynadıq və finala vəsiqə qazandıq. Uşaqları təbrik edirəm.

– Komanda gələn mövsüm U-14 Liqasında çıxış edəcək. Futbolçular fiziki və psixoloji baxımdan buna hazırdırlar?
– Belə oyunlardan sonra uşaqların psixoloji durumları daha yaxşı olur. Əlbəttə, gələn mövsümə yaxşı hazırlaşacaqlar. Onların daha da inkişaf etməsi üçün üzərlərində işləyəcəyik.

Bahar Rüstəm