"Bakı–Xankəndi" Azərbaycan beynəlxalq velosiped yarışının üçüncü mərhələsi başa çatıb.

Prosport.Az xəbər verir ki, Qazaxıstanın "XTS Astana" komandasının rusiyalı üzvü Qleb Suritsa finişə 1-ci çatıb.

O, Qəbələdən Mingəçevirə qədər 162,9 kilometr məsafəni hamıdan tez qət edib.

Qeyd edək ki, Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın ümumi mükafat fondu 50 000 avrodan çoxdur. Yarışa mayın 14-də yekun vurulacaq.

10:10

"Bakı–Xankəndi" Azərbaycan beynəlxalq velosiped yarışının III mərhələsi start götürüb.

Prosport.Az xəbər verir ki, velosipedçilər bu etapda Qəbələdən Mingəçevirə qədər 162,9 kilometr məsafə qət edəcəklər.

Ötən gün II mərhələdə “Sea Breeze”dən İsmayıllıya olan məsafəni Qazaxıstanın "XTS Astana" komandasının üzvü Yevgeni Fyodorov 1-ci gəlib.

İlk mərhələdə isə Çinin "Li-Ninq Star" komandasının belaruslu üzvü Aleksey Şnirko finişə hamıdan tez çatıb.

Qeyd edək ki, Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın ümumi mükafat fondu 50 min avrodan çoxdur. Yarışa mayın 14-də yekun vurulacaq.