Gürcüstanın Qori şəhərində keçirilən cüdo üzrə böyüklər arasında Avropa Kubokunun son yarış günündə daha 4 cüdoçumuz fəxri kürsüdə yer alıb.

Prosport.Az xəbər verir ki, Əjdər Bağırov 100 kq çəki dərəcəsində bütün rəqiblərini məğlub edərək qızıl medal qazanıb. Bu çəki dərəcəsində olimpiya mükafatçısı Elmar Qasımov bürünc mükafata sahib çıxıb.

Xəyyam Əliyev (90 kq) və Diana Tçkayeva (48 kq) da turniri bürünc medalla başa vurub.

Xatırladaq ki, ilk yarış günündə İslam Rəhimov (66 kq) qızıl, Elşən Əsədov (66 kq) gümüş, Babarəhim Mirzəyev (60 kq), Nizami İmranov (66 kq) və Rüfət Şövlətov (73 kq) isə bürünc medal əldə etmişdi.

Yekunda 2 qızıl, 1 gümüş və 6 bürünc medal qazanan Azərbaycan ümumi komanda hesabında 3-cü, kişilər arasında isə 2-ci yeri tutub.