Azərbaycanda start verilən “Bakı – Xankəndi” Azərbaycan velosiped yarışının ilk mərhələsi başa çatıb.

Prosport.Az xəbər verir ki, ilk mərhələ “Sea Breeze”dən başlayıb və Sumqayıtda başa çatıb.

158,7 km məsafədə olan mərhələnin qalibi Çinin “Li Ning Star” komandasını təmsil edən belaruslu Aleksey Şnilko olub. 2-ci yeri rusiyalı Qleb Sıritsa ("XDS Astana Team") və 3-cü pilləni belçikalı Timoti Düpon ("Tarteletto – Isorex") tutub.

Daha sonra idmançıların mükafatlandırma mərasimi baş tutub.

“Bakı – Xankəndi” Azərbaycan velosiped yarışının növbəti 4 mərhələsi:

11 may (II mərhələ): Bakı – Şamaxı – İsmayıllı (193,2 kilometr)

12 may (III mərhələ): Qəbələ – Oğuz – Şəki – Mingəçevir (163,3 kilometr)

13 may (IV mərhələ): Gəncə – Göygöl – Goranboy – Suqovuşan – Talış – Naftalan (152,7 kilometr)

14 may (V mərhələ): Tərtər – Ağdam – Füzuli – Şuşa – Xankəndi (181,3 kilometr).

Qeyd edək ki, Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. 5 mərhələdən ibarət olan yarışın ümumi mükafat fondu 50 min avrodan çoxdur.