Azərbaycan cüdoçusu, dünya və Avropa mükafatçısı Uşanqi Kokauri Qazaxıstanın paytaxtı Astanada keçirilən Böyük Dəbilqə turnirində finala yüksəlib.

Prosport.Az xəbər verir ki, +100 kq çəki dərəcəsində mübarizə aparan Uşanqi Kokauri yarışa Qazaxıstan təmsilçisi Jantilek Nurtilepulı üzərində qələbə ilə başlayıb.

Daha sonra 1/4 finalda Almaniya idmançısı Erik Abramovu məğlub edib.

Yarımfinalda isə gürcü əsilli cüdoçu Fransa təmsilçisi Tieman Diabini üstələyərək finala vəsiqə qazanıb. Onun finaldakı rəqibi osetin əsilli rusiyalı son dünya və 2025-ci ilin Avropa çempionu olmuş İnal Tasoyev olacaq. Nəticədən asılı olmayaraq bu, Azərbaycanın Qazaxıstanda yeganə medalı olacaq.

Qeyd edək ki, bu gün mübarizə aparan cüdoçularımızdan Aslan Kotsoyev (90 kq) və Camal Həmzətxanov (+100 kq) mübarizəni medalsız başa vurub.