Azərbaycan cüdoçuları Qazaxıstanın paytaxtı Astanada keçirilən "Böyük Dəbilqə" turnirində ilk günü medalsız başa vurublar.

Prosport.Az xəbər verir ki, son olaraq Şəfəq Həmidova (48 kq) və Gültac Məmmədəliyeva (52 kq) 3-cü yer uğrunda görüşdə məğlub olublar.

Həmidova Kristina Dudinaya (Rusiya), Məmmədəliyeva isə Nandin-Erdene Myaqmarsurenə (Monqolustan) uduzub.

Xatırladaq ki, "Böyük Dəbilqə" turniri mayın 10-da başa çatacaq.

14:11

Azərbaycanın 2 cüdoçusu Qazaxıstanın paytaxtı Astanada keçirilən "Böyük Dəbilqə" turnirində bürünc medal uğrunda görüşə çıxacaq.

Prosport.Az xəbər verir ki, Şəfəq Həmidova (48 kq) və Gültac Məmmədəliyeva (52 kq) yarışda 3-cü yeri tuta bilər.

Həmidova yarımfinalda niderlandlı Amber Qerskejə, Məmmədəliyeva isə Birləşmiş Ərəb Əmirlikləri təmsilçisi Khorloodoi Bişreltə uduzub.

Rəşad Yelkiyev, Turan Bayramov (hər ikisi 66 kq), Könül Əliyeva (48 kq) və Leyla Əliyeva (52 kq) əvvəlki mərhələlərdə uduzaraq medal qazanmaq şanslarını itiriblər.

Xatırladaq ki, "Böyük Dəbilqə" turniri mayın 10-da başa çatacaq.