İspaniyanın Santa-Susanna şəhərində keçirilən bodibildinq üzrə Avropa çempionatına Azərbaycan yığması uğurlu start verib.

Prosport.Az xəbər verir ki, Bəhram Xəlilov “Junior Men’s Physique” kateqoriyasında mütləq çempion adını qazanıb.

O, həmçinin böyüklər arasında keçirilən yarışda gümüş medal əldə edib.

“Junior Men’s Physique” kateqoriyasında bu uğur komanda üçün yeganə nəticə olmayıb. Komandamızın üzvü İbrahim Məmmədli bürünc medal qazanıb.

Komandanın medal siyahısına Xalid Kazımlının əldə etdiyi gümüş medal da əlavə olunub.

Klassik bodibildinqdə isə Elvin Babayev eyni nəticəni təkrarlayaraq gümüş medal qazanıb.

Beləliklə, Azərbaycan idmançılarının aktivində 1 qızıl, 3 gümüş və 1 bürünc medal var.