Bu gün Gürcüstanın Batumi şəhərində keçirilən ağırlıqqaldırma üzrə Avropa çempionatında Azərbaycanın 3-cü idmançısı mübarizəyə qoşulacaq.

Prosport.Az-ın xəbərinə görə, saat 19:00-dan etibarən gənclər arasında dünya və ikiqat Avropa çempionu, son İslamiadanın gümüş medalçısı Ravin Alməmmədov gücünü sınayacaq.

A qrupunda yarışacaq idmançımızın 10 rəqibi bunlardır: Vitali Daderko (Ukrayna), son Avropa çempionu Kaan Kahriman (Türkiyə), Arçil Malakmadze (Gürcüstan), Tiberiu Donose (Rumıniya), Rusiya ermənisi Qevorq Serobyan (AIN), Avropa çempionu Erkand Çerimay (Albaniya), dünya və Avropa mükafatçısı olmuş belaruslu Vadim Lixorad (AIN), Martin Poqosyan (Ermənistan), belaruslu Andrey Frolov (AIN), dünya mükafatçısı və Avropa çempionu Briken Çalya (Albaniya).

Bundan başqa, səhər seansında B qrupunda Roberto Qutu (Almaniya), erməni Hmayak Misakyan (Avstriya), Konrad Vazuqa, Kaçper Urban (hər ikisi Polşa), Sebastian Çabala, Vladimir Şkapets (hər ikisi Slovakiya), Layoş Uyvari (Macarıstan), Nikola Todoroviç (Xorvatiya), Remi Heqvik Aune və Stefan Rönnevik (hər ikisi Norveç) yarışıb. 

Həmçinin, İen Vilson, Ceyson İpton (hər ikisi Şotlandiya), Ceyms Knoks (Şimali İrlandiya) və Tom Aplton (Cəbəllüttariq) bu il Şotlandiyada keçiiriləcək Birlik Oyunlarına (Commonwealth Games) qatılmaq üçün müsabiqədənkənar çıxış edib.

Qeyd edək ki, daha əvvəl Tehran Məmmədov (60 kq) 8-ci, İsa Rüstəmov (71 kq) 4-cü olub. İsa həmçinin, birdən qaldırmada 147 kq ağırlığı qaldırmaqla gümüş medal qazanıb.

Səbuhi Musa