Azərbaycan Ağırlıqqaldırma Federasiyasının vitse-prezidenti Firdovsi Umudov Gürcüstanın Batumi şəhərində keçiriləcək Avropa çempionatı öncəsi komanda üzvlərimizlə görüşüb.

Prosport.Az xəbər verir ki, yığma komandamızın baş məşqçisi Sərdar Həsənov, böyük məşqçi Asif Məmmədov və məşqçi Əfqan Bayramovun rəhbərliyi altında 4 idmançımız körpücük üzərinə çıxacaq.

Tehran Məmmədov sabah, İsa Rüstəmov, Ravin Alməmmədov və Əli Şükürlü isə növbəti günlərdə mübarizəyə qoşulacaq. Təmsilçilərimizdən Əli Şükürlü komandaya 22 aprel tarixindən etibarən qoşulacaq.

Qeyd edək ki, Avropa çempionatı bu gün start götürüb və aprelin 26-dək davam edəcək.