Azərbaycanın daha 4 cüdoçusu Gürcüstanın paytaxtı Tbilisidə keçirilən Avropa çempionatında bu gün mübarizəyə başlayacaq.

Prosport.Az xəbər verir ki, yarışın 3-cü günündə Zelim Tçkayev, Ömər Rəcəbli (hər ikisi 81 kq), Murad Fətiyev (90 kq) və Südabə Ağayeva (70 kq) tatamiyə çıxacaq.

Avropa çempionatı

81 kq, 1/16 final

Zelim Tçkayev – Natse Xerkoviç (Sloveniya) / Vladislav Kolobov (Ukrayna) cütünün qalibi ilə

Ömər Rəcəbli – Yaxya Nurkoviç (Monteneqro) / Əbdül-Kərim Tasuyev (Rusiya) cütünün qalibi ilə

90 kq, 1/16 final

Murad Fətiyev – Aleks Krets (Rumıniya)

70 kq, 1/32 final

Südabə Ağayeva – Maya Qoşen (İsrail)

Xatırladaq ki, Avropa çempionatı aprelin 19-da başa çatacaq. Daha əvvəl Hidayət Heydərov (73 kq) gümüş, Əhməd Yusifov (60 kq) və Turan Bayramov (66 kq) bürünc medal qazanıb. Azərbaycan turnirdə 15 cüdo ilə təmsil olunur.