Aprelin 15-də Gürcüstanın paytaxtı Tbilisidə cüdo üzrə böyüklər arasında Avropa çempionatının püşkatma mərasimi keçirilib.

Prosport.Az xəbər verir ki, püşkatmanın nəticələrinə əsasən, idmançılarımızın ilk rəqibləri müəyyənləşib.

Qitə yarışında ölkəmiz 11 çəki dərəcəsində 9 kişi və 6 qadın olmaqla 15 cüdoçu ilə təmsil olunacaq. Mötəbər turnirdə 46 ölkədən 400 idmançı iştirak edəcək. 

16–19 aprel tarixlərində keçiriləcək Avropa çempionatının təsnifat mərhələsi hər gün saat 10:00-da, final bloku isə 16:00-da start götürəcək. Yarışın görüşləri “JudoTV” və “CBC Sport”dan canlı yayımlanacaq. 

Kişilər 
60 kq, 1/8 final
Balabəy Ağayev – Qal Blajiç (Sloveniya) / Andrea Karlino (İtaliya) cütünün qalibi ilə
Əhməd Yusifov – Çarli Eyr (Böyük Britaniya) / Marton Andraşi (Macarıstan) cütünün qalibi ilə

66 kq, 1/16 final
Turan Bayramov – Nikolas Kuntse (Almaniya)

73 kq, 1/16 final
Hidayət Heydərov – Konstantinos Tsaparas (Yunanıstan)

81 kq, 1/16 final
Zelim Tçkayev – Nase Xerkoviç (Sloveniya) / Vladislav Kolobov (Ukrayna) cütünün qalibi ilə
Ömər Rəcəbli – Yaxya Nurkoviç (Monteneqro) / Əbdül-Kərim Tasuyev (Rusiya) cütünün qalibi ilə

90 kq, 1/16 final
Murad Fətiyev – Aleks Krets (Rumıniya) 

100 kq, 1/16 final
Zelim Kotsoyev – Nikola Pavlovski (Şimali Makedoniya) 
+100 kq, 1/8 final
Kənan Nəsibov – Mateo Akiana Monqo (Fransa) / Erik Abramov (Almaniya) cütünün qalibi ilə

Qadınlar 
48 kq, 1/16 final
Könül Əliyeva – Amber Xersyes (Niderland)
Şəfəq Həmidova – Erza Muminoviç (Kosovo)

52 kq, 1/16 final
Leyla Əliyeva – Nikolina Nişaviç (Serbiya)
Gültac Məmmədəliyeva – Karla Tavares Fernandes (Lüksemburq)

70 kq, 1/32 final
Südabə Ağayeva – Maya Qoşen (İsrail)

+78 kq, 1/16 final
Mədinı Kaisinova – Elis Startseva (Rusiya)