Azərbaycanın akrobatika gimnastikası üzrə qadın qrupu Belçikanın Puurs şəhərində keçirilən Dünya Kubokunda qızıl medal qazanıb.

Prosport.Az xəbər verir ki, Anahita Bəşiri, Nəzrin Zeyniyeva və Zəhra Rəşidovadan ibarət qrup bütün rəqiblərini qabaqlayaraq fəxri kürsünün ən yüksək pilləsinə qalxıb.

Leyla Bejanova, Arzu Ağayeva və Xədicə Quliyevadan ibarət üçlük isə Slovakiyanın paytaxtı Bratislavada aerobika gimnastikası üzrə keçirilən beynəlxalq turnirdə bürünc mükafata sahib çıxıb.