Azərbaycanın kayak və kanoe üzrə gənclərdən ibarət milli komandaları Türkiyənin Muğla şəhərində keçiriləcək "Bahar Kuboku" beynəlxalq reqatasında iştirak edəcəklər.

Prosport.Az xəbər verir ki, ölkənin 7 idmançısı sözügedən yarışda mübarizə aparacaq.

Elmir Tarverdiyev, Mustafa Vəlizadə, Qiyas Əhmədov, Tengiz Qaqnidze kayak qayığında, Hüseyn Səmədli, Vaqif Mustafazadə, Fəxri Sadıqlı isə kanoe növündə mükafatçılar sırasına düşməyə çalışacaqlar.