"Yeniyetmələr arasında keçirilən Avropa Kubokundan gözləntiləri böyükdür".

Prosport.Az xəbər verir ki, bu sözləri Azərbaycan Cüdo Federasiyasının (ACF) baş katibinin müavini, idman direktoru Kamran Talıbov jurnalistlərə açıqlamasında deyib.

ACF rəsmisi bu gün start götürən turnirlə bağlı fikirlərini bölüşüb: “Yarışın əhəmiyyəti ondan ibarətdir ki, yeniyetmə cüdoçular gələcəkdə gənclər və böyüklər kateqoriyasında bu idmançılarla üz-üzə gələcək. Bu, onlar üçün başlanğıcdır, təcrübə qazanırlar və səhvlərini öyrənirlər. Cüdoçular həm də beynəlxalq yarış mühitini yaşamış olurlar. 

Federasiya rəsmisi əvvəlcə iştirakını təsdiqləmiş Polşanın yarışdan imtina etməsinə də toxunub: “Yarışa gəlməmək qərarı verdilər. Bizə xüsusi səbəb bildirməyiblər”. 

Kamran Talıbovun sözlərinə görə, hansı ölkənin iştirak etməsindən asılı olmayaraq cüdoçular biz hər zaman yüksək nəticələrə köklənir: “Bugünkü yarışdan gözləntimiz böyükdür. Hazırda proqnoz verə bilmərəm. Həm daxili, həm də beynəlxalq yarışları müxtəlif regionlarda keçirməyə çalışırıq. Növbəti Avropa Kubokunun harada olacağı ilə bağlı dəqiq nəsə deyə bilmərik”.