Avropa Cüdo Birliyinin rəsmi saytında Azərbaycanın növbəti beynəlxalq turnirə ev sahibliyi edəcəyi ilə bağlı məqalə dərc olunub.

Prosport.Az xəbər verir ki, "Millennium Team Cadet European Judo Tour" turniri 4-5 apreldə Gəncə İdman Sarayında keçiriləcək.

Turnirdə 11 ölkədən ümumilikdə 286 cüdoçu mübarizə aparacaq. Azərbaycan yığması 100-dən çox idmançı ilə təmsil olunacaq. Digər iştirakçı ölkələr Belarus, Bolqarıstan, Gürcüstan, Qazaxıstan, Qırğızıstan, Polşa, Portuqaliya, Tacikistan, Türkiyə və ABŞ-dır.

Qeyd edək ki, yarışları azarkeşlər JudoTV vasitəsilə canlı izləyə biləcəklər. Turnirdən dərhal sonra – 6 - 8 apreldə Gəncədə beynəlxalq təlim-məşq toplanışı da təşkil olunacaq.