İyulun 28-dən start götürən Çinin Çendu şəhərində keçirilən 2021 Yay Ümumdünya Universitet Oyunlarında (qısaca Universiada) Azərbaycanın daha 2 idmançısı medal qazanıb.

Prosport.Az xəbər verir ki, bunların hər ikisi qadın idmançılardır.

Bədii gimnast Zöhrə Ağamirova halqa ilə hərəkətlərin icrasında gümüş medal qazandıqdan sonra uğurunu gürzlə və lentlə hərəkətlərdə də təkrarlayıb. O, müvafiq olaraq daha bir gümüş və bürünc medal qazanıb.

Gənc taekvondoçumuz Minayə Əkbərova (46 kq) isə bürünc medala layiq görülüb.

Qeyd edək ki, daha əvvəl cüdoçularımız 1 gümüş və 2 bürünc medal qazanıb. Hazırda Azərbaycan 3 gümüş və 4 bürünc medalla 18-cidir. 32 medal qazanmış meydan sahibi Çin şəksiz liderdir (18-7-7). Qonşu Cənubi Koreya (14-11-5) və Yaponiya (11-7-7) müvafiq olaraq 2-ci və 3-cüdür. Azərbaycan 87 idmançı ilə mübarizəyə qatılıb. Yarışa avqustun 8-də yekun vurulacaq.