3x3 basketbol üzrə Dünya Qadın Seriyasının Çexiyanın paytaxtı Praqada keçiriləcək mərhələsində qadın millimiz və "Neftçi" nin qrupları və oyun təqvimləri müəyyənləşib

Prosport.Az xəbər verir ki, 4-5 avqust tarixlərində Praqada 14 komandanın iştirakı ilə 3x3 basketbol üzrə Dünya Qadın Seriyasının növbəti mərhələsi baş tutacaq.

Bu mərhələdə iştirak edəcək qadın millimiz qruplara qalmaq üçün İsveçrə və Çili yığmaları ilə təsnifat oyunları keçirəcək. Təmsilçimiz "Neftçi" isə C qrupunda Litva və Latviya milliləri ilə mübarizə aparacaq.

Qadın millimiz ilk təsnifat oyununu 4 avqust Bakı vaxtı ilə saat 13:00-da İsveçrə millisinə qarşı, "Neftçi" klubu isə qrupda ilk oyununu həmin gün saat 15:40-da Latviya seçməsinə qarşı keçirəcək.

Qeyd edək ki, qruplarda ilk 2 yeri tutmuş komandalar 1/4 finala vəsiqə qazanacaq.