Qılıncoynatmanın sablya növü üzrə qadınlardan ibarət Azərbaycan milli komandasının üzvü Polina Kaspiaroviç Özbəkistanın paytaxtı Daşkənddə keçirilən Dünya Kubokunun mərhələ yarışında bürünc medal qazanıb.

Prosport.Az xəbər verir ki, qrup mərhələsini 5 qələbə ilə başa vuran idmançı qadın sablyaçıların şəxsi yarışında yarımfinala kimi irəliləməklə bürünc medalı təmin edib.

Kaspiaroviç pley-offda Özbəkistan təmsilçisi Samira Şokirova (15:6), Venesuela sablyaçısı Katerina Paredes Tores (15:11), ukraynalı Alina Komaşşuk (15:14) və ispaniyalı Araseli Navaronu (15:13) məğlub edərək ən güclü “8-liy”ə yüksəlib. Sablyaçı 1/4 finalda neytral statusda çıxış edən rusiyalı Anastasiya Şorokovanı 15:10 hesabı ilə üstələyib. Polina Kaspiaroviç final uğrunda görüşdə – yarımfinalda Bolqarıstan qılıncoynadanı Yoana İliyevaya 6:15 hesabı ilə uduzub.

Uzunmüddətli zədədən sonra ilk dəfə beynəlxalq turnirdə yarışan rusiyalı idmançımız Anna Başta əsas mərhələdə mübarizəni dayandırıb.

Səbinə Kərimova və Zərifə Hüseynova isə keçid pley-off mərhələsində çıxışını başa vurub.

Qadın sablyaçılarımız sabah komanda yarışında 1/8 finalda ABŞ yığması ilə qarşılaşacaq.