Azərbaycan fiqurlu konkisürənləri dünya çempionatında çıxışlarını başa vurublar.

Prosport.Az xəbər verir ki, buz rəqsi dueti - Samanta Ritter və Daniel Brikalov - ritm rəqslərini təqdim ediblər.

Cütlük 50,56 xal toplayaraq sonuncu - 31-ci yeri tutaraq finala yüksələ bilməyib.

Daha əvvəl Azərbaycanı dünya çempionatında Nərgiz Süleymanova (33 idmançı arasında 27-ci yer) və Vladimir Litvintsev (36 idmançı arasında 31-ci yer) təmsil edib. Onların heç biri finala vəsiqə qazana bilməyib.