Yeniyetmə qız cüdoçulardan ibarət milli komandamız Almaniyanın Bad-Blankenburq şəhərində keçirilən beynəlxalq təlim-məşq toplanışında iştirak edir.

Sportlife.az xəbər verir ki, hazırlıq prosesinə baş məşqçi Elnur İsmayılov və məşqçi Əmrah Əhmədov rəhbərlik edirlər. Təlim düşərgəsinə 18 cüdoçu cəlb olunub.

Komandamız burada 4–5 aprel tarixlərində Gəncədə təşkil olunacaq yeniyetmələr arasında Avropa Kubokuna hazırlıq keçir.

Martın 26-da başa çatacaq təlim-məşq toplanışında 14 ölkədən 400-ə yaxın idmançı yer alıb.