Azərbaycan İdman Rəqsləri Federasiyasına martın 18-də prezident seçilib. Əli Həşimli federasiyanın prezidenti, o cümlədən Etibar Məmmədov və Eşqin İsmayıllı vitse-prezidentlər seçilib.

Bəs bu şəxslər kimlərdir?

Prosport.Az bunu araşdırıb.

Əli Həşimli iş adamıdır. 42 yaşlı şəxs hazırda ölkənin aparıcı pərakəndə satış şəbəkələrindən olan “Grandmart”, “Bolmart” və “Megastore” mağazalar şəbəkəsinin həmtəsisçisi və İdarə Heyətinin üzvüdür. Eyni zamanda, ölkənin böyük distribusiya və istehsal şirkətlərindən biri olan “Avrora” şirkətində müşavir vəzifəsini icra edir və müxtəlif sahələri əhatə edən bir sıra uğurlu biznes layihələrinin təşəbbüskarıdır. O daha əvvəl "Avrora" Supermarketlər layihəsinin rəhbəri olub.

Etibar Məmmədov bu federasiyanın qanuni təmsilçisidir. O, Əməkdar müəllim, peşəkar rəqs məşqçisidir.

Eşqin İsmayıllı "Promart", "Grandmart", "Megastore" MMC-lərin direktorudur.

Federasiyanın İdarə Heyətinə üzv seçilən Tatyana Çernova isə əvvəl burada mətbuat katibi funksiyasını icra edib.