Gürcüstanın paytaxtı Tbilisidə keçirilən cüdo üzrə "Böyük Dəbilqə" turnirinin gümüş medalçısı Turan Bayramov (66 kq) dünya reytinqindəki mövqeyini xeyli yaxşılaşdırıb.

Prosport.Az xəbər verir ki, Beynəlxalq Cüdo Federasiyası yarışdan sonra reytinqi yeniləyib. Bayramov 113 pillə irəliləyərək 860 xalla 56-cı yerə yüksəlib.

Olimpiya çempionu Hidayət Heydərov (73 kq) da mövqeyini möhkəmləndirib. Tbilisidəki turnirdə bürünc medal qazandıqdan sonra o, 3 pillə irəliləyib və hazırda 3836 xalla 4-cü yerdədir.

Olimpiya çempionu Zelim Kotsoyev (100 kq) Azərbaycan cüdoçuları arasında ən yaxşı nəticə göstəriciyə malikdir. O, 5238 xalla 2-ci yeri tutur. Balabəy Ağayev (60 kq) isə 1 pillə geriləyərək hazırda 4115 xalla 3-cü yerdədir.