Atletikanın qaçış növü üzrə ikiqat paralimpiya və dördqat dünya çempionu Lamiyə Vəliyeva sağlamların Polşanın Torun şəhərində qapalı məkanda keçirilən dünya çempionatında uğursuz çıxış edib.

Prosport.Az-ın xəbərinə görə, 23 yaşlı idmançı hətta yarımfinala çıxa bilməyib.

O, 60 metr məsafəyə qaçışda gücünü sınayıb. Lamiyə finişə 7.65 saniyəyə gəlməklə 8 idmançı arasında sonuncu olub. 5-ci qrupdan yarımfinala vəsiqəni isə Dina Eyşer-Smit (Böyük Britaniya), Ana Azevedo (Braziliya) və Zo Hobs (Yeni Zelandiya) qazanıb. 

Qeyd edək ki, Lamiyə Vəliyeva bu Avropa çempionatında Azərbaycanı yeganə təmsil edən idmançı olub.