Gürcüstanın paytaxtı Tbilisidə cüdo üzrə Böyük Dəbilqə turnirinə start verilib.

Prosport.Az xəbər verir ki, Dünya Cüdo Turuna daxil olan yarışın ilk günündə 1 cüdoçumuz fəxri kürsüdə yer alıb.

66 kq çəki dərəcəsində mübarizə aparan Turan Bayramov finala gedən yolda Fransa, Rusiya, Almaniya, Finlandiya və Gürcüstan təmsilçilərini ipponla məğlub edib. Həlledici görüşdə Qazaxıstan idmançısı Nurkanat Serikbayevə yuko xalı ilə məğlub olan idmançımız gümüş mükafata layiq görülüb. Bu, 23 yaşlı cüdoçumuzun yeni çəkidə ilk, karyerasında isə 4-cü Böyük Dəbilqə medalı olub.

Qeyd edək ki, sabah daha 4 cüdoçumuz tatamiyə çıxacaq.